Аддзел па рабоце з калектывамі народнай творчасці і культурна-асветніцкімі ўстановамі

Інфармацыя аб дзейнасці аддзела па рабоце з калектывамі народнай творчасці і клубнымі ўстановамі г. Мінска

Аддзел па рабоце з калектывамі народнай творчасці і клубнымі ўстановамі г. Мінска з'яўляецца структурным падраздзяленнем ДУ "Мінскканцэрт" і прызначаны для забеспячэння арганізацыйна-метадычнай дзейнасці калектываў народнай творчасці, клубных устаноў незалежна ад іх ведамаснай прыналежнасці.

Мэтай дзейнасці аддзела з'яўляецца захаванне, папулярызацыя і развіццё лепшых традыцый нацыянальнага мастацтва і аматарскай народнай творчасці ў сучасных умовах.

Асноўным напрамкам дзейнасці аддзела з'яўляецца арганізацыйна-метадычная работа, накіраваная на ўдасканаленне культурна-асветнай дзейнасці і развіццё народнай творчасці.

Аддзел праводзіць самастойна або з іншымі арганізацыямі семінары, нарады, творчыя лабараторыі, майстар-класы, адкрытыя ўрокі, школы педмайстэрства.

У аддзеле рыхтуюцца прапановы і матэрыялы па наданні і пацвярджэнні звання «народны», «узорны», «заслужаны аматарскі калектыў». Для разгляду пытанняў па ўдасканаленні культурна-асветнай дзейнасці, развіцці народнай творчасці арганізуюцца секцыі, у склад якіх уваходзяць заслужаныя дзеячы культуры і адукацыі, кіраўнікі прафесійных калектываў.

Усю работу па арганізацыі і правядзенні мерапрыемстваў з клубнымі ўстановамі горада, фестываляў, конкурсаў, аглядаў народнай творчасці, павышэнні кваліфікацыі, фарміраванні рэпертуару забяспечваюць 8 супрацоўнікаў аддзела, 6 з якіх – метадысты-жанравікі: па харавым, інструментальна-аркестравым, харэаграфічным, тэатральным, выяўленчым і дэкаратыўна-прыкладным мастацтве, фотамастацтве, – а таксама метадыст па інфармацыйнай дзейнасці і рэпертуары і метадыст па культурна-асветніцкай дзейнасці. Спецыялісты валодаюць інфармацыяй і вядуць улік самадзейных калектываў па асноўных жанрах народнай творчасці. Гэтаму спрыяе штогадовы збор і аналіз статыстычных справаздач па рабоце клубных устаноў рознай ведамаснай прыналежнасці.

Супрацоўнікі аддзела валодаюць шырокай базай па калектывах народнай творчасці і дзейнасці культурна-асветных устаноў нашага горада. Падтрымліваецца пастаянны кантакт з кіраўнікамі клубных устаноў і калектываў народнай творчасці.

Аддзел арганізуе фестывалі, агляды, конкурсы, выставы народнай творчасці, святы і іншыя мерапрыемствы, якія ўваходзяць у план работы аддзела і індывідуальныя планы работы кожнага вядучага метадыста, згодна з іх функцыянальнымі абавязкамі.