Пра ўстанову
Дзяржаўная ўстанова «Мінскканцэрт», заснаваная ў 2001 годзе, з'яўляецца галоўнай канцэртнай арганізацыяй г. Мінска.
Напрамкамі дзейнасці ўстановы з'яўляюцца арганізацыя і правядзенне дзяржаўных і агульнагарадскіх святаў, творчых фестываляў і конкурсаў, мерапрыемстваў, накіраваных на эстэтычнае і духоўнае выхаванне дзяцей і моладзі, культурных праграм на міжнародных і гарадскіх спартыўных спаборніцтвах, а таксама Дзён культуры горада Мінска ў іншых краінах.
Акрамя таго, установа актыўна вядзе гастрольна-канцэртную дзейнасць з беларускімі і замежнымі выканаўцамі і творчымі калектывамі.
Заснавальнік
Заснавальнікам Установы з'яўляецца Мінскі гарадскі выканаўчы камітэт.
Упаўнаважаным устаноўчым органам па кіраванні дзейнасцю Установы з'яўляецца Упраўленне культуры Мінскага гарадскога выканаўчага камітэта.
Пляцоўкі і падраздзяленні
У складзе ўстановы — канцэртная зала «Верхні горад» на плошчы Свабоды, канцэртная зала ў Мінскім гарадскім Палацы культуры, аддзел па рабоце з калектывамі народнай творчасці, аддзел па падрыхтоўцы і правядзенні канцэртных і культурна-масавых мерапрыемстваў і службы галоўнага офіса.
Падраздзяленні і іх кантакты — на старонцы «Структура», напрамкі работы — на старонцы «Напрамкі дзейнасці».